Muqdisho,(insidesomalia.org)-Shir jaraa`id uu maanta ku qabtay Magaalada Muqdisho Teliyaha Ciidamada Booliska Soomaaliyeed Gen,Cabdi Qeybdiid ayaa waxa uu ka warbixiyayQasaarihii ka dhashay qaraxii shaley kadhacay Muqdisho iyo waliba cidii ka danbeysay oo uu sheegey in ay soo qab qabteen.

Taliyaha ayaa ugu horeyn u diray tacsi dhamaan eheladii ay ka geeriyoodeen haweenkii la qarxiyay, wuxuuna sheegay in tirada ku dhimatay ay gaareyso 16 ruux, halka uu dhaawucuna ku sheegay 52 ruux.

Taliyaha ayaa sheegay in qaraxan uu ka dhashay bac walxaha qarxa laga Ssoo  buuxiyey oo uu u keenay haweenka wiil dhalinyaro ah, kaasoo ku yiri haweenka "Qashinkan xagee dhigaa" uuna dabadeed isagu qarxiyay, wuxuuna intaa ku daray in ay hada gacanta ku hayaan dad lagu tuhunsan yahay in ay lug ku leeyihiin qaraxaas.

Gen. Cabdi Qeybdiid ayaa ku eedeeyay falkan kooxda Al-Shabaab ee kasoo horjeedda Dowladda, wuxuuna sheegay in falkan uu yahay midka ay dadka ku laayaan kooxdan oo ayagu lagu yaqaan ayuu hadalkiisa sii raaciyey Mr Qeybdiid.